Zëvendëskryeministri i parë, Izet Mexhiti qëndron në Uashington ku krahas aktiviteteve të shumta mori pjesë edhe në “Lutjet e Mëngjesit’, një ngjarje e rëndësishme dhe tradicionale që bashkon liderë të ndryshëm nga fusha politike dhe personalitete me ndikim nga e gjitha bota.
“Ditën e sotme në Uashington e nisa me pjesëmarrjen në “Lutjet e Mëngjesit”, një ngjarje e rëndësishme dhe tradicionale. Ishte një moment reflektimi dhe dialogu, duke bashkuar liderë të ndryshëm politikë e personalitete me ndikim nga e gjitha bota. Natyrisht, ishte një rasti i veçantë edhe për mua, sidomos në përpjekjen për të thelluar partneritetin me ShBA-në, aleatin tonë strategjik. Po ashtu, gjatë këtyre ditëve në Uashington, u angazhova për forcimin e lidhjeve të Maqedonisë së Veriut me botën demokratike. Besimi, vlerat dhe miqësia mes kombeve janë ura që na bashkojnë dhe mbi të cilat duhet ta ndërtojmë një të ardhme gjithëpërfshirëse”, shkroi Izet Mexhiti në profilin e tij zyrtar në Facebook.
