Dashi
Kujdes sot! Pasioni për të kapur yjet është i pamatur. Planeti Mars po ju ndikon pozitivisht, vetëm ju duhet të mbani nën kontroll impulsivitetin. Profesionalisht do synoni shumë lart, ndërsa praktikisht do keni shumë minuse nëse besoni fort se jeni lider. Në dashuri do keni ca tendenca për të përmbajtur deklaratat, gjë e cila do ju cënojë lirinë dhe vetëdijen erotike. Pika e dobët është letargjia komunikative dhe çelësi i suksesit; humanizmi.
Demi
Jeni në provë. Vlerësoni në thelb vlerat emocionale që të mos mbeteni pa fjalë para njeriut të zemrës. Strehëza e dashurisë është një fole që nuk ka vend për tre, ndaj jini vigjilentë! Në planin profesional jeni duke u shkundur nga monotonia, por kjo nuk mjafton. Rrethi miqësor ju mirëkupton në gafat relacionale që bëni në mënyrë të përsëritur, ndaj rezervohuni në qëndrime për çdo çështje! Pika e dobët është lakmia, çelësi i suksesit; siguria në vetvete.
Binjakët
Binjakë kuriozë që në embrion, jeni afër zbulimit të një të vërtete të madhe, kësaj radhe të bukur. Mësoni të duroni dhe t’i mbani ca gjëra për vete. Në dashuri po tregoheni indiferent, kjo nuk është natyra e strategjive tuaja tërheqëse. Pika e dobët; lëshimi i fjalëve pa vend dhe çelësi i suksesit; koha e përkushtuar për miqtë.
Gaforrja
Ndjenjën apo arsyen, e bëni dot zgjedhjen? Ana emocionale ju ka trazuar qëndrimet ndaj një personi që e ka lënduar jo pak zemrën tuaj. Intuita do ju ndihmojë të çliroheni nga mëdyshjet. Çështjet e vjetra me ligjin po ju mbajnë peng të progresit, ndaj me durim jepini fund. Profesionalisht do keni përmirësime të ndjeshme, mjafton të dini t’i bëni vend vetes. Pika e dobët është frika nga mungesa e guximit dhe çelësi i suksesit, ca para të lëna mënjanë.
Luani
Nuk është rastësi të fuqia juaj tërheqëse t’ju nxjerrë në pah edhe ca të meta. Dritëhijet jua bëjnë me të dallueshëm guximin, që jo pak herë ju vë në rrezik, është zgjuarsi të dini të zgjidhni fjalët e duhura, me njerëzit e duhur. Beqarët nuk do ambientohen lehtë me efektin “pasqyrë”, ndërsa situata mund të duket thjeshtë një iluzion nëse kërkojnë përtej mundësive. Pika e dobët është egoizmi dhe çelësi i suksesit është ndonjë tundim i vogël për para.
Virgjëresha
Të papritura të bukura. Paqja me lakmitë e vjetra ju ka qartësuar idetë. Skutat e fshehura të arsyes ju çojnë shpesh në kritika të forta, por intuita juaj ju ruan fillin e suksesit. Mos hiqni dorë nga qëllimet, asnjeherë nuk ju kanë lënë në baltë. Ju e dini mirë se cila është rruga e duhur për të mos rrezikuar financiarisht, ndaj luani me zgjuarsi. Pika e dobët është oreksi i tepërt, çelësi i suksesit; pozitiviteti.
Peshorja
Ekuilibër dhe harmoni perfekte me iluzionet tuaja. Ruajuni nga zhgënjimet dhe ndiqni linjën e drejtësisë mbi gjithçka. Kurseni para për të përmbushur qëllimet tuaja në investime kolaterale. Pasuria është kthyer në mani, çlirohuni nga manitë! Pika e dobët është rënia e energjisë dhe çelësi i suksesit është aftësia për të parë larg ambicieve bazike.
Akrepi
Akrepë protagonist, buzëqeshini të mirave që ju vijnë! Inkurajojeni veten për të guxuar më shumë në sferën emocionale. Thellë brenda vetes keni dyshime të vogla që ju trazojnë jo pak. Konkurrenca me më të paduruarit është autoironia më e keqe që mund të bëni këto kohë. Pika e dobët janë provokimet në punë dhe çelësi i suksesit; miqtë me pozitë.
Shigjetari
Shigjetarë manipulatorë, jeni shumë të ëmbël në strategjitë tuaja. Aleatët tuaj besojnë se kanë kuptuar aftësitë tuaja, por gabohen, keni gjithmonë një as nën mëngë. Energjia juaj për të punuar dominon frikën për të mbajtur afër persona që mund t’ju eklipsojnë. Pika e dobët është shëndeti delikat dhe çelësi i suksesit dashuria që ruani në zemër përjetësisht për njeriun që doni.
Bricjapi
Bricjapë, sot do të jetë një ditë intensive, por shpërblyese. Saturni do t’ju ndihmojë të mbani fokusin në qëllimet tuaja. Në punë, idetë tuaja do të vlerësohen, por shmangni kritikat ndaj vetes. Në dashuri, dialogu është çelësi për të kapërcyer çdo vështirësi.
Pika e dobët, frika të tregoni anën tuaj më të pambrojtur, çelësi i suksesit, simpatia.
Ujori
Maksimumi që mund të bëni sot është të harxhoni ca para pasi jeni treguar shumë dorështrënguar. Dashuroni sikur asgjë të mos ketë ndodhur dhe përqendrohuni tek raportet me persona që ju admirojnë. Jashtë kornizave të realitetit tuaj ka një botë jo aq të bukur sa ajo që keni ju brenda vetes. Njohuritë tuaja mbi profesionin ju bëjnë më të sigurt në habitatin tuaj, ndaj mos u ndalni. Pika e dobët është përgjegjësia profesionale dhe çelësi i suksesit; harmonia me rrethanat sentimentale.
Peshqit
Peshq, thyeni tabutë dhe kaloni kohë të çliruar nga e kaluara juaj! Emocionet ju kanë trazuar pak mendimet. Familja është në qendër të vëmendjes. Ideale do ishte të tërhiqeshit për të kuptuar se çfarë kaloi e çfarë ju pret. Puna ju ka angazhuar si një labirint, ju duhet të gjeni rrugëdaljen pa prekur interesat personale. Pika e dobët është intuita, çelësi i suksesit; një takim i papritur me persona që i përkasin të shkuarës tuaj.
