Befason sërish skiatorja jonë me një rezultat fantastik duke vazhduar surprizën e saj nën statusin e “hirushes” së këtij edicioni të Kupës së Botës në moshën 18-vjeçare.
Në lëshimin e saj të parë në Sllallomin Gjigand të Kronplatz Colturi u rendit në vendin e tetë duke dhënë përshtypjen e një pozicioni përfundimtar brenda 10-tshes së parë.
Por surpriza erdhi në lëshimin e dytë dhe final ku skiatorja kuqezi përmirësoi më tej kohën e saj duke e parë veten në vendin e katërt sipër edhe kampiones së botës Lara Gud Berhami që garon për Zvicrën apo rivales së saj të drejtpërdrejtë, kroates Zrinka Ljutiç.
Në këtë formë ëndrra e saj dhe e jona vazhdon duke qenë tashmë konkurrues dhe si një vend që arrijmë të mbajmë në presion emrat më të mëdhej të skisë alpine për femra, falë kësaj paraqitje krejtësisht jashtë parashikimeve të Lara Colturit.
