Lëvizja ZNAM ka shfaqur mospajtim me kryetarin e Kuvendit Afrim Gashi, që Ilire Dauti nuk do të shkarkohet nga funksioni i kryetares së Komisionit për Politikë Sociale, Demografi dhe Sport, edhe përkundër faktit që mbrëmë kaloi në Kuvend interpelanca për punën e sajë.
“Për Lëvizjen ZNAM është plotësisht e paqartë se në çfarë bazohet njoftimi i kabinetit të kryetarit të Kuvendit, se votimi i interpelancës nuk do të rezultojë me shkarkimin e kryetares së Komisionit për Politikë Sociale, Demografia dhe Sporti, zonjës Dauti. Që nga seanca e djeshme e Kuvendit në të cilën u votua interpelanca për zonjën Dauti, rezultati është shumë i qartë për ne. Kuvendi i Republikës së Maqedonisë ka konstatuar se znj. Dauti padyshim e ka shkelur Rregulloren e punës dhe sanksioni për shkeljen e Rregullores është shkarkim për personin që e ka bërë atë shkelje. Për Lëvizjen E DI- Për Maqedoninë tonë, me miratimin e interpelancës, edhe Ilire Dauti nuk mund të ushtrojë më funksionin e kryetares në trupin punues të Kuvendit. Presim që opozita, së cilës sipas shpërndarjes së mëparshme i është dhënë mandati i kryetarit në këtë komision, të hënën menjëherë të propozojë një kandidat të ri për këtë post.”, thonë nga Lëvizja ZNAMi, që janë pjesë e koalicionit qeveritar.
