Gjatë fundjavës së kaluar, ekipet e NP Higjiena Komunale – Shkup
realizuan aktivitete për largimin e përafërsisht 65 metra kub mbetje
nga deponitë e egra të vendosura në komunat Çair, Gazi Babë dhe Kisella
Vodë të Shkupit.
Sërish është intervenuar në bulevardin Nikolla Karev (Rruga e
Plastikave), ku janë ngritur 20 metra kub mbetje komunale kryesisht të
përziera të hedhura në sipërfaqe publike në këndin me rrugën Maksut
Sadik, në afërsi të këndit të lojërave për fëmijë.
Në komunën Çair janë larguar edhe 15 metra kub mbetje të vëllimshme dhe
ndërtimore të hedhura në mënyrë të paligjshme në disa lokacione në
lagjen Tophanë, si dhe në bulevardin Brigada Maqedono – Kosovare.
Ekipet e Ndërmarrjes gjatë fundjavës ngriten edhe 10 metra kub mbetje të
hedhura përgjatë bulevardit Aleksandri i Maqedonisë.
Njëkohësisht, janë pastruar edhe përafërsisht 20 metra kub mbetje të
vëllimshme dhe nga paketimet e kartonit të hedhura në sipërfaqe publike
në rrugët Dimo Haxhi Dimov dhe Nevena Georgievska – Dunja në komunën
Kisella Vodë të Shkupit.
