Koalicioni VLEN fton ish-zëvendëskryeministrin, Artan Grubi, të kthehet dhe të përballet me drejtësinë. Nga koalicioni VLEN thonë se keqpërdorimet në Lotari do të zbardhen dhe të gjithë ata që kanë vjedhur do të japin përgjegjësi.
“Eja e përballu, Artan! Shqiptarët nuk kanë zakon të ikin. Shqiptarët kur kanë të drejtë përballen me ballin lartë dhe nuk tremben. Mos i baltos shqiptarët, mos i përdor ata si mburojë për krimet e tua. Koalicioni VLEN ka kohë që paralajmëron se partia non grata BDI është parti e kapur nga struktura kriminale të udhëhequra nga Artan Grubi.”, – deklaroi Driton Sulejmani nga koalicioni VLEN.
