Lëvizja Vetëvendosje së bashku me aleatët, Partia Guxo dhe Alternativa dorëzuan listën e kandidatëve për deputetë për zgjedhjet e 9 shkurtit.
Kjo listë, sipas tyre përfaqëson vizionin për ndryshime pozitive dhe zhvillim të qëndrueshëm në Kosovë.
Në krye të listës është Albin Kurti, pasuar nga Glauk Konjufca e Donika Gërvalla.
Në listë nuk figuron emri i ministrit të Infrastrukturës, një nga aktivistët më të hershëm të VV, Liburn Aliu. Po ashtu nuk do të garojë as Besnik Bislimi, zëvendëskryeministri i Kosovës.
