Ata e dinë se ne e dimë çfarë halli kanë Ata të Tendës. Kështu ka ironizuar ministri i Shëndetësisë, Arben Taravari, duke aluduar në tendat e Frontit Europian para Gjykatës Kushtetuese, ndërsa e kanë quajtur iniciativën “Rojet e gjuhës”, dhe do të qëndrojnë aty ditë e natë deri të mërkurën, për kur është caktuar mbledhja e Gjykatës Kushtetuese.
“Ata e dinë se ne e dimë çfarë halli kanë Ata të Tendës”, ka shkruar Taravari.
Ndryshe, Fronti Evropian, gjatë ditës së sotme kanë vendosur tenda para Gjykatës Kushtetuese, duke shprehur kështu pakënaqësi për shkak paralajmërimeve se më 11 dhjetor mund të shfuqizohen disa nene sa i përket ligjit për përdorimin e gjuhëve.
