Të nderuar qytetar, jemi këtu para jush për ta nxjerr fytyrën e vërtetë dhe rrenat e vazhdueshme të BDI-së. BDI edhe kësaj radhe si çdo herë deri më tani dështoi për të ngritur tensione ndëretnike në vend. Ata për një javë rresht gënjyen opinionin duke fabrikuar lajme të rreme se gjoja djegia e veturave dhe lokalit në Kumanovë kanë prapavijë etnike. Kështu ata tentuan të hedhin vrer mbi koalicionin VLEN ku edhe inicuan interpelancë mes tjerëve edhe mbi zëvendësministrin Astrit Iseni. MPB dhe zyrtarët policor me profesionalizmin më të lartë dhe në kohë rekorde zbardhën rastin dhe arrestuan personin e dyshuar për djegien e veturave dhe lokalit në Kumanovë.
Të nderuar,
Ne i bëjmë thirrje BDI-së që problemet e tyre familjare të mos i shpalosin si probleme shtetërore dhe të mos ngritin pluhur në opinionin publik rreth tensioneve ndëretnike Koalicioni VLEN asnjëherë nuk do të lejojë që problemet e BDI-së të paraqiten si probleme të shoqërisë. Qytetarët duhet ta kenë të qartë se këto raste janë të izoluara dhe nuk paraqesin realitetin e vendit tonë.
BDI tashmë është e izoluar dhe po fundoset në humnerën e dështimeve të saj, duke mbetur vetëm me një partner në krim: Nikolla Gruevskin.
Për fund, i themi BDI-së të mos rrejnë! Krimet dhe mëkatet e tyre 20 vjeçare nuk mund t’i mbulojnë me skenare të zymta ndëretnike. Mjaftë po tentoni ti përdorni shqiptarët si mburojë për të shpëtuar nga burgu.
VLEN: Quo Vadis BDI
