Gjykata konfirmoi se personi që kaloi gati 50 vjet burg në shtetin amerikan të Oklahomas dhe u lirua nga prokurorët në korrik nuk ishte fajtor.
Gjyqtarja e Gjykatës së Qarkut në Oklahoma, Amy Palumbo vendosi se 71-vjeçari Glynn Simmons, i cili kaloi 48 vjet, 1 muaj e 18 ditë burg për akuzat e vrasjes dhe u lirua nga prokurorët pas aplikimit të avokatëve të tij, nuk ishte fajtor.
Duke vlerësuar kundërshtimin e bërë nga avokatët e Simmons-it ndaj gjykatës pas lirimit të tij, Palumbo në vendimin e saj tha: “Gjykata jonë ka gjetur prova të qarta dhe bindëse se Simmons nuk e ka kryer krimin për të cilin është dënuar”.
“Ky është një mësim për qëndrueshmëri dhe këmbëngulje”, tha Simmons në një konferencë për media pas vendimit të gjykatës.
Glynn Simmons u dënua me vdekje në vitin 1975 për një incident vrasjeje së bashku me një person të quajtur Don Roberts në Luiziana në vitin 1974 ndërsa dënimi më vonë u ndryshua në burgim të përjetshëm.
Roberts u lirua me kusht në vitin 2008 ndërsa Simmons u lirua në korrik pasi prokurorët e gjetën atë të pafajshëm.
Simmons hyri në histori si i burgosuri që ka qëndruar më gjatë në burg “pafajësisht” në SHBA.
