Tre gazetarë janë vrarë gjatë natës në një sulm ajror izraelit në Hasbaya, në Libanin lindor pranë kufirit me Sirinë në një kompleks ku strehohen gazetarë. Kjo është bërë e ditur Agjencia Kombëtare e Lajmeve e Libanit.
Stacioni lokal i lajmeve Al Jadeed transmetoi pamje nga vendi i ngjarjes që tregonin një kompleks shtëpish të shembura që ishin marrë me qira nga media të ndryshme dhe makina të shënuara PRESS të mbuluara me pluhur dhe rrënoja. Ushtria izraelite nuk lëshoi një paralajmërim para sulmit.
Ali Shoeib, korrespondenti i njohur i Al-Manar në Libanin jugor, tha në një video me celular se operatori i kamerës që kishte punuar me të për muaj të tërë ishte vrarë. Sipas tij ,ushtria izraelite e dinte se zona që u godit ishte shtëpia e gazetarëve të organizatave të ndryshme mediatike.
“Ne po raportonim lajmet dhe po tregonim vuajtjet e viktimave dhe tani ne jemi lajmi dhe viktimat e krimeve të Izraelit”, shtoi Shoeib në videon e transmetuar në TV Al-Manar.
Mbrojtja Civile e Gazës thotë se ushtria izraelite ka kryer një “masakër masive” në orët e fundit, duke rrafshuar të paktën 10 ndërtesa banimi në kampin e refugjatëve Jabalia, në veri të Rripit, siç raportohet nga transmetuesi arab Al Jazeera.
Duke cituar burime lokale, agjencia palestineze e lajmeve Wafa flet për rreth 150 të vdekur dhe të plagosur.
