Kompania e biznesmenit Vanço Çifliganec, “Adora Engineering” filloi ndërtimin e një objekti banesor dhe afarist në parkingun përballë qendrës tregtare “East Gate” në Shkup. Parkingu prej disa ditësh është rrethuar dhe po përgatitet fillimi i punimeve të ndërtimit, pasi Komuna e Qendrës i ka dhënë leje ndërtimore ndërtuesit më 27 shtator. Sipas Planit të Detajuar Urbanistik (PDU) Krnjevo 2, lartësia maksimale e lejuar e objektit është kati përdhes plus 18 kate. Leja e ndërtimit e lëshuar është sipas parametrave të DUP-it të ri të rishikuar, i cili është miratuar në korrik të vitit të kaluar. “Në këtë parcelë është paraparë objekt me qëllim A2, respektivisht banim me ndërtesa banimi me mundësi që të përdoret në përputhje me B1-njësi të vogla tregtare, B4-hapësira biznesi dhe B2-njësi tregtare të mëdha, deri në maksimum 40 për qind. Sipas parametrave të PDU-së, vlerat maksimale të lejuara për sipërfaqen e ndërtuar bruto janë 33.724 metra katrorë, dhe katet e lejuara në pjesë të ndryshme të objektit janë P+7, P+1, P+18”, thonë nga Komuna Qendër për SDK. Për ndërtimin e objektit janë paguar taksa prej rreth 4,5 milionë eurove, nga të cilat 40 për qind ose 1,8 milionë euro Komunës së Qendër, ndërsa 60 për qind apo 2,7 milionë euro, Qytetit të Shkupit.
Konkurrencë ndaj “East Gate”? Çifliganec filloi ndërtimin e kompleksit te parkingu përballë
