Trajneri i Barcelonës, Xavi Hernandez ka folur për të ardhmen e tij te kampioni i La Ligas.
Barcelona momentalisht gjendet në pozitën e katërt në La Liga, ku ndeshjen e fundit e humbi kundër Gironas, kështu edhe duke e humbur hapin për ta marrë kreun e tabelës.
Ka pasur spekulime se pozita e Xavit te Barcelona mund të jetë në rrezik, dhe se ai po e mendon dorëheqjen, por këtyre zërave iu është përgjigjur tani Xavi.
“Nuk po e mendoj dorëheqjen. Jam mirë, shumë i emocionuar që ne do të kemi një sezon fantastik. Besoj më shumë se kurrë në projektin dhe lojtarët. Kam një lidhje të shkëlqyer me presidentin, me Decon dhe me Yusten”, tha Xavi.
