Me investime të reja në pajisje moderne, hapje të departamenteve të reja dhe bashkëpunime të reja me mbi 30 mjekë, Klinika Zhan Mitrev është shembull i një sistemi unik shëndetësor i këtij lloji në rajon. Gjatë vitit të fundit janë investuar 5 milionë euro shtesë në pajisje moderne për departamentet ekzistuese dhe ato të reja në Klinikë, janë punësuar mjekë specialistë nga sektori publik dhe privat dhe mjekë të cilët janë kthyer nga jashtë vendit, të cilët tashmë janë pjesë e ekipit të Klinikës.
“Jam krenar që sot kemi një klinikë të rrallë në rajon, me dixhitalizim të plotë, pajisje të reja teknologjikisht të avancuara dhe një ekip mjekësh të përkushtuar në punën e tyre dhe ekspertë në fushën e tyre të punës. Gjatë muajve të fundit kemi lidhur marrëveshje bashkëpunimi me mbi 30 mjekë, specialistë më të mirë nga të fushat dhe kemi arritur që Klinikën ta vendosim në hartën e rajonit si një spital i nivelit të lartë ku të gjitha shërbimet ofrohen në një vend”, u shpreh Dr. Zhan Mitrev, duke prezantuar sot bashkëpunëtorët e tij dhe departamentet e reja që janë të hapura brenda spitalit.
Ai theksoi se dyert e Klinikës janë të hapura për të gjithë mjekët që dëshirojnë të jenë pjesë e saj dhe se “i gjithë procesi është në interes të pacientëve, të cilët do të kenë shërbime më të mira, me rritje të standardeve ashtu siç duhet të duket një Klinikë në Maqedoni, duke shfrytëzuar në të njëjtën kohë kapacitetin e plotë të spitalit. Në vendin tonë po mbeten gjithnjë dhe me pak mjekë të lartë, e vetmja mënyrë është që të bashkohemi dhe bashkërisht të ofrojmë një shërbim të lartë mjekësor”, shprehet Mitrev.
Klinika ka investuar në një sistem monitorimi tërësisht të avancuar teknologjikisht, aparat të ri koronarografik si dhe një mikroskop të lartë për kryerjen e operacioneve në fushën e neurokirurgjisë. Është hapur qendra e re STROKE për infarkt në tru dhe gjendje të tjera, qendra oftalmologjike/okulistike në bashkëpunim me “Promedika Oftalmologija” dhe është siguruar aparati i ri torakoskopik me video 3D për për kancerin e mushkërive.
Qendra Stomatologjike e sapohapur është moderne, me një ambient të përkryer dhe me disponueshmëri 24 orëshe ku puna kryhet pa dhimbje, pra me anestezi të plotë për fëmijë dhe të rritur. Në Qendrën e Dermatologjisë Estetike ka një zgjerim dhe avancim, me pajisje të reja (Photofinder – skanim i lëkurës së plotë me inteligjencë artificiale të nishaneve), Dhomë Hiperbarike, platformë lazer Nordlis 5 në 1. Në kirurgjinë abdominale, disponohet pajisje e re endoskopike 4K për shikueshmërinë më precize, ndërsa në kirurgjinë vaskulare prezantohet ablacioni me radiofrekuencë, metoda më moderne për trajtimin e venave. Në klinikë, gjithashtu disponohen pajisje për kryerjen e procedurave minimale invazive për zgjidhjen e hernieve diskale pa operacion nën kontrollin e aparatit angiograf.
Për drejtorin mjekësor të Klinikës, Dr. Emil Stoicovski, është e rëndësishme rritja e ekipit mjekësor dhe zgjerimi i shërbimeve. “Kemi bashkëpunim me mbi 30 mjekë nga shëndetësia publike dhe pjesë e ekipit bëhen edhe personeli mjekësor – mjekë dhe infermierë që kthehen nga jashtë vendit për të qëndruar në Maqedoni.”
