Kombet e Bashkuara (OKB) vlerësojnë se popullsia në vendet e Ballkanit Perëndimor deri në vitin 2050 do të ulet me rreth tre milionë banorë. Nëse vitin e kaluar popullsia ishte 16,977,000 milionë banorë, deri në vitin 2050 ajo do të ulet në 13,975,000 milionë banorë.
Sipas vlerësimeve të OKB-së, popullsia e Maqedonisë së Veriut nga 1.836.000 milionë banorë do të zvogëlohet në 1.519.000, që është rënie prej 17,3 për qind.
Rënia më e madhe në shifra parashikohet për Serbinë, e cila vitin e kaluar kishte 6.788.000 milionë banorë, ndërsa në vitin 2050 sipas OKB-së parashihet të ketë 5.554.000 milionë, pra 1.2 milionë banorë më pak, që është rënie prej 18.2 për qind.
Ndërsa, në përqindje, rënia më e madhe e popullsisë do të jetë në Bosnje-Hercegovinë dhe Shqipëri.
OKB-ja thekson se Bosnja e Hercegovina, nga 3,194,000 milionë banorë vitin e kaluar, do të ketë 2,469,000 milionë banorë në vitin 2050, që është 22,7 për qind më pak, dhe Shqipëria do të “bie” nga 2,822,000 milionë banorë në 2,251,000, që është për 20.2 për qind më pak.
Ndërsa popullsia në Mal të Zi do të ketë rënie prej 14.8 për qind, pra nga 628.000 do të ketë 535.000 banorë.
