Vijojnë të ashpra luftimet mes ushtrisë izraelite dhe militantëve të Hamasit në zona të ndryshme të Gaza.
Sipas të dhënave më të fundit, vetëm gjatë 24 orëve që lamë pas 8 ushtarë izraelitë humbën jetën, duke e çuar në 112 numrin e fataliteteve në radhët e ushtrisë që prej nisjes së luftimeve.
Ndërkohë, autoritetet kanë lejuar për herë të parë nga 7 tetori hapjen e pikës kufitare të Karem Salem, e cila ndodhet mes Izraelit, Rripit të Gazës dhe Egjiptit.
Me rihapjen e kësaj pike, 180 kamionë me ndihma humanitare hynë në Gaza për të asistuar banorët në nevojë për gjithçka tashmë.
