Kuvendi i Republikës së Maqedonisë së Veriut dje miratoi ligje me të cilat tre objekteve natyrore në vend iu dha status i veçantë, u shpallën të mbrojtura.
Liqeni i Ohrit dhe kanioni i Matkës janë shpallur monumente të natyrës, ndërsa “Studençishko Blato” pranë Ohrit mori statusin e parkut natyror.
Qeveria vitin e kaluar mori vendim për shpalljen e Kanionit të Matkës zonë të mbrojtur të kategorisë 3, ndërsa një vendim i tillë për Liqenin e Ohrit u mor në fillim të këtij viti.
