Manchester City, me një dorë në titullin kampion të radhës në Premier League. Citizens mposhtën 0-2 Tottenhamin në transfertë, duke kaluar pengesën e fundit të vështirë në këtë sprint të fundit të garës së kampionatit.
Festa e madhe e skuadrës së Pep Guardiolës do të organizohet në ndeshjen e fundit, në Etihad, përballë West Hamit, ekip që nuk ka më asnjë objektiv për të arritur.
“Heroi” i City-t në këtë ndeshje ishte Erling Haaland, autor i të dy golave të miqve. Të parin e realizoi në fillim të pjesës së dytë, ndërsa atë që vulosi fitoren e ekipit të Guardiolës norvegjezi e shënoi me 11-metërsh, sapo nisi koha shtesë.
