Në tubimin e sontëm në Kumanovë, kandidati për president Stevo Pendarovski, duke iu përgjigjur pyetjes së qytetarëve se pse VMRO-DPMNE ka intensifikuar sulmet dhe kërcënimet ndaj tij ditëve të fundit, ai u përgjigj se për këtë ka dy arsye.
“Së pari, këta janë lloji i njerëzve, kanë qeverisur me dhunë për 11 vjet. Në vitin 2011, forcat speciale të policisë mbyllën televizionin më të ndjekur në atë kohë, të cilin as që e mbajmë mend. Mund të shani sot, të bërtisni kundër presidentit të Maqedonisë deri nesër në mëngjes, nuk do t’ju mungojë asnjë fije floku. Pra para se gjithash keshtu jane dhe se dyti keto ditet e fundit po ta vini re po e intensifikojne retoriken dhe kercenimet jo vetem ndaj meje por edhe ndaj te tjereve…kjo per mua eshte shenje. se gjërat nuk po shkojnë mirë për ta në terren. Ata ndoshta mendojnë se nga rrahja e gjoksit vitin e kaluar se janë fitues të sigurt dhe se do të fitojnë me 100 mijë e 200 mijë vota diferencë, se nuk do të jetë aspak kështu. Prania juaj masive në terren është dëshmi se ata janë në një lajthitje të madhe”, u tha Pendarovski qytetarëve të Kumanovës.
Lidhur me akuzat e Hristijan Mickoski-t dhe VMRO-DPMNE-së për disa takime të fshehta për gjoja amnisti të politikanëve të caktuar, Pendarovski përkujtoi se ishte Mickoski ai i cili ishte vënë në dukje nga institucionet evropiane si burim i lajmeve të rreme.
“Kur doni të amnistoni dhe kur amnistioni dikë, kjo shihet. Frika më e madhe e Hristijan Mickoskit është se Gruevski nuk do të kthehet rastësisht. Dhe tani më akuzon mua dhe disa politikanë të tjerë se në takime të fshehta jemi marrë vesh që ta kthejmë Gruevskin me amnisti. Tani po ju pyes, a e ka parë dikush Nikolla Gruevskin në Maqedoni? Pra është një gënjeshtër e hapur e atij njeriu dhe në fakt nuk është asgjë e re. Katër vjet më parë, në raportin e tij zyrtar, Parlamenti Evropian e cilësoi Hristijan Mickoskin si burim lajmesh të rreme dhe dezinformatash. Dhe nuk ka asgjë për të diskutuar më tej, gjithçka është e qartë”, theksoi Pendarovski në sheshin e mbushur me njerëz në Kumanovë.
