Në kuadër të karvanit zgjedhor, kandidati për president Stevo Pendarovski sot ka takuar qytetarët e Dojranit dhe Bogdancit.
Duke iu referuar punës së mëparshme të këtij grupi qeverisës, Pendarovski theksoi anëtarësimin në NATO, ku jemi së bashku me vendet më të forta dhe më të zhvilluara në botë. “Pa siguri nuk ka rritje ekonomike”, theksoi Pendarovski.
“Nëse nuk do të kishim bllokadë të brendshme brenda disa vitesh, vendi do të ishte anëtar i plotë i BE-së”, shtoi Pendarovski, duke theksuar se VMRO-DPMNE mbështet sjelljen anti-evropiane të Bullgarisë dhe bllokimin e tyre.
“Deri më tani nuk kam dëgjuar asnjë deklaratë nga ana e tyre që të respektojnë ndonjë marrëveshje që kemi arritur. Në vend të kësaj, ata njoftojnë se do të rinegociojnë dhe do të arrijnë marrëveshje më të mira. Dhe kush mund të garantojë se ata do të arrijnë marrëveshje më të mira? Askush! Do ta kthejnë vendin vetëm 10-15 vjet prapa dhe do ta kthejnë në të kaluarën e errët”, nënvizoi Pendarovski.
Pendarovski në bisedë me qytetarët u pyet për akuzat e kryetarit të VMRO-DPMNE-së, Hristijan Mickoski se do ta bojkotojë raundin e dytë të zgjedhjeve presidenciale, për të cilën Pendarovski tha se Mickoski po e shpreh frikën e tij publikisht. .
“Nuk kam pse ta bojkotoj raundin e dytë, sepse unë do t’i fitoj zgjedhjet”, nënvizoi Pendarovski.
Qytetarët kërkuan koment edhe për akuzat e opozitës se ai nuk ka punuar në mënyrë transparente dhe ka mbyllur zyrat publike. Për këtë, Pendarovski u përgjigj se zyra e tij është e hapur për vizita në çdo kohë dhe se zyra e presidentit edhe sot e kësaj dite funksionon si zyrë rinore në qendër të Shkupit.
