Një burrë goditi për vdekje me thikë një person dhe plagosi një tjetër të mërkurën në qytetin jugperëndimor francez të Bordo, tha një burim qeveritar i informuar për sulmin.
Sulmuesi u vra nga policia. Policia fillimisht nuk mendon se sulmi ishte i lidhur me terrorizmin, raportoi BFM TV.
Zyra e prokurorit të Bordo nuk iu përgjigj menjëherë një kërkese për koment.
Sulmi ndodhi pranë brigjeve të lumit Garonne në Bordeaux qendrore. Një video në mediat sociale tregoi policinë duke qëndruar mbi një trup të mbuluar me një batanije të bardhë. Reuters nuk mundi ta verifikonte menjëherë videon.
Më pak se katër muaj para Lojërave Olimpike, Franca është në gjendjen më të lartë të sigurisë.
Një ndeshje futbolli mes Paris St-Germain dhe Barcelonës në kryeqytetin francez të mërkurën mbrëma u zhvillua nën masa të forta sigurie pas një kërcënimi nga Shteti Islamik, shkruan Reuters, transmeton Klankosova.tv.
