Kopshti për fëmijë në Kërçovë, i cili deri para një viti ishte buzë kolapsit për shkak të borxheve të mëdha dhe menaxhimit të dobët, sot funksionon normalisht dhe pa asnjë detyrim financiar për këtë me meritorja është Arlinda Shainin drejtoreshë e kopshtit të femijevë
Ndryshimet nisën pas vendimit të Ministrit për Politikë Sociale, Demografi dhe Rini, z. Fatmir Limani, i cili shkarkoi drejtorin e mëparshëm, të emëruar jashtë çdo procedure nga ish-kryetari Fatmir Dehari dhe që me keqmenaxhimin e Çerdhes e kishte zhytur në borxhe të thella. Pas këtij vendimi, ministri emëroi Arlinda Shainin drejtoreshë të kopshtit, një zgjedhje e bërë pa ndikime politike dhe vetëm mbi bazën e profesionalizmit.
Kur ajo mori detyrën, gjeti një situatë tejet të rënduar me mbi 50 mijë euro borxh për ngrohjen, fatura të papaguara tek furnizuesit e ushqimit dhe një administratë jo-funksionale. Për të vështirësuar edhe më shumë, organizuan një pjesë e të punësuarve të veprojnë me bojkot dhe rezistencë ndaj udhëheqjes së re. Edhe pse sfidat ishin të mëdha, Arlinda Shaini nisi menjëherë punën.
Me vetëm disa bashkëpunëtorë që e mbështetën që në fillim, ajo vendosi rregull, stabilizoi financat dhe riktheu funksionimin normal të institucionit. Në më pak se një vit, të gjitha borxhet u shlyen dhe kopshti sot punon me standarde dhe organizim më të mirë. Ky transformim vlerësohet si shembull i qartë se çfarë mund të arrihet kur në krye të një institucioni vendosen njerëz të përkushtuar. Vendimi i Ministrit Fatmir Limani dhe puna e Arlinda Shainit tregojnë se me integritet dhe përgjegjësi mund të kthehet në funksion edhe një institucion që dikur dukej i pashpresë.
