Kandidati i koalicionit VLEN për komunën e Dibrës, Fisnik Mela, ka ndarë një mesazh frymëzues në ditën e zgjedhjeve, duke theksuar rëndësinë e pjesëmarrjes qytetare dhe të drejtës demokratike për të votuar.
“Sot, si banor i kësaj komune, bashkë me familjen time realizuam të drejtën tonë demokratike dhe votuam.
Kjo ditë është një festë për të gjithë banorët – një ditë kur secili ka mundësinë të shprehë vullnetin e vet përmes votës,” shkruan Mela.
Ai falënderon me mirënjohje të thellë të gjithë banorët që kanë dalë në votim, si dhe mërgatën dibrane që ka udhëtuar me mijëra kilometra për të qenë pjesë e kësaj dite të rëndësishme.
Mela inkurajon të gjithë qytetarët që ende nuk kanë votuar të dalin në mënyrë të qetë, me përgjegjësi dhe bindje të lirë.
“Sot është dita jonë – dita e demokracisë dhe e bashkëpunimit për të ardhmen e komunës sonë!”, përfundon mesazhin e tij kandidati i VLEN për Dibrën
