Kryetari i Alternativës dhe njëri prej liderëve të VLEN, Zeqirija Ibrahimi, në një intervistë për emisionin PodGo në Telegrafi Maqedoni,
ka dhënë një përgjigje të qartë për komunat shqiptare që pritet të jenë më të diskutuara në zgjedhjet lokale.
Ibrahimi u shpreh se Çairi mbetet një bastion i sigurt për VLEN-in, duke theksuar se kjo komunë fitohet që në raundin e parë. “Çairi nuk diskutohet. Në raundin e parë kjo punë përfundon”, deklaroi ai.
Ndërkohë, i pyetur për komunat e Haraçinës dhe Sarajit, Ibrahimi theksoi se ato tashmë janë të humbura për BDI-në, duke akuzuar Ali Ahmetin se i ka dorëzuar.
“Në Saraj edhe në Haraçinë është duke ndodhur fenomeni ku Ali Ahmeti i ka dorëzuar ato dy komuna. Për shkak se është dashur që ta paguaj çmimin që i ka marr Arben Taravarin dhe Zijadin Selën. Andaj ai duke qenë favorit edhe në Haraçinë edhe në Saraj, thjeshtë i ka dorëzuar ato dy komuna”, tha Ibrahimi.
