Numri i të infektuarve me grip po rritet. Për një javë janë regjistruar 34 për qind më shumë se javën e kaluar.
Ambulancat po mbushen dhe më të shumtët janë fëmijët. Sipas Institutit të Shëndetit Publik gripi është i përhapur në tërë vendin dhe është në fazë të mesme, piku pritet të arrijë mes muajit shkurt.
Sipas tyre, nuk është alarmante situata me grip në këtë periudhë. Numri më i madh i të infektuarve është në Shkup, Kumanovë dhe Kavadar.
“Nuk është asgjë drastike dhe e papritur, por është numër më i vogël i të infektuarve sesa në sezonin e kaluar. Është e vërtetë se numri i të infektuarve me grip është më i lartë se në javët e kaluara, por është normale në këtë periudhë të vitit dhe nuk është aspak alarmante dhe shqetësuese. Ne si institut e përcjellim situatën në nivel javor dhe informojmë në mënyrë transparente dhe japim rekomandime, në qoftë se është e nevojshme.”, – deklaroi drejtoresha në IShP, Marija Andonovska.
Sipas të dhënave të IShP-së deri më tani 3.800 persona në vend kanë qenë të sëmurë me grip, ndërsa vitin e kaluar kanë qenë 5.200 persona. Këtë vit më të prekur janë pacientët me sëmundje akute infektive, ndërsa në dhjetor të vitit të kaluar më shumë pacientë ka pasur të infektuar me lijën e dhenve.
