Drejtori ekzekutiv i Qendrës Kosovare për Paqe, Labinot Maliqi ka kërkuar shfuqizimin e udhëzimit administrativ që ndalon uniformën fetare në shkolla. Këtë kërkesë, imami Labinot Maliqi e ka bërë pasi një 18 vjeçare nga Peja është përjashtuar nga shkolla për shkak të bartjes së shamisë në shkollë.
Në një konferencë për media, Maliqi ka kërkuar që ministrja e Arsimit, Arbërie Nagavci, të ndërmarrë masa ndaj këtij institucioni arsimor.
Ai ka thënë se një nxënëse është përjashtuar nga shkolla “Bedri Pejani” në Pejë, me vendim të drejtorit të shkollës.
ADVERTISING
“Është e turpshme që një nxënëse shembullore të përjashtohet nga shkolla për shkak të shamisë”, tha Maliqi.
Sipas tij, drejtori ka thënë se “vetëm jam duke e zbatuar udhëzimin administrativ”.
“Aktualisht jemi në javën e katërt që nxënësja A. D. 18 vjeçare, nga gjimnazi “Bedri Pejani” në Pejë, ka mbetur në shtëpi. Pasiqe ajo u largua nga shkolla më 2 shtator, pa një vendim zyrtar, ditën e parë të vitit të ri shkollor, për shkak të bartjes së shamisë, me urdhër të drejtorit Musa Nikçi, dhe ky largim u bë pa ndonjë vendim zyrtar. Kjo vajzë nuk i ka bërë keq askujt, përveq që dëshiron të arsimohet si çdo nxënëse tjetër.”
Tutje, Maliqi ka kërkuar nga Ministrja Nagavci të ndërmarr hapa lidhur me këtë rast.
“S’mund të lejojmë të kemi vajza 14 vjeçare të përjashtuara nga shkolla! Ju lutem Ministre Nagavci bëni diçka!”, tha para mediave Labinot Maliqi. https://youtu.be/Hi4P-B_fPas
