Ministrja e Arsimit dhe Shkencës, Vesna Janevska, këmbëngul në sjelljen e ligjit të ri për arsimin e lartë, duke vlerësuar se i njëjti është progresiv dhe do ta ngritë nivelin e arsimit të lartë në vend. Janevska po ashtu ka theksuar se RMV-ja nëse nuk e sjell këtë ligj, do të rrezikonte t’i humbë fëmijët dhe studentët, sepse të njëjtit do të krijojnë standarde më të mira jashtë vendit, pasi është njëra nga çështjet që të rinjtë po largohen është niveli i shkollimit.
“Duhet ta kuptojmë se Maqedonia nuk ka kohë për rezultate nën mesataren apo mesataren, vendi ynë duhet ta mbajë hapin me vendet e rajonit dhe të botës, sepse rrezikojmë që shumë fëmijë ta lëshojnë vendin dhe dijen e tyre do ta japin tek vendet tjera. Prandaj, ne si vend kemi më pak studentë në vendet në rajon, por më shumë në vendet më të zhvilluara.”, – deklaroi ministrja e Arsimit dhe Shkencës, Vesna Janevska.
Janevska po ashtu shpjegoi se ky ligj nuk nënkupton përzierje në autonominë e universiteteve. Ajo theksoi se debati publik po e ndihmon këtë proces, sepse po vërehen lëshime të vogla teknike, të cilat do të merren për bazë.
“Ligji kërkon punë kërkimore shkencore, edhe ndryshime të programeve studimore, por jo edhe përzierje në autonominë e universiteteve. Debati Publik në Universitetin “Nënë Tereza” ishte konstruktiv dhe të gjitha vërejtjet konstruktive do të merren për bazë, por ka edhe lëshime teknike.”, – theksoi ministrja e Arsimit dhe Shkencës, Vesna Janevska.
